Marzo airoso,
abril chuvioso,
maio pardo e
san Xoán claro
valen máis que os bois e o carro
Marzo
marzal, virado e traidor;
que matas a ovella e mailo pastor.
Marzo
venteiro e abril chuvasqueiro,
enchen en
maio de frores o eido.
Marzo
iguarzo;
o día coa noite i o pan co chaguazo.
Marzo,
marcea, non queda cabra
nin ovella,
nin pastor coa sua pelea,
nin o lobo coas súas chancas,
nin o can
coas súas carlancas
Marzo
marzal,
o que non empezou ben,
remata mal
Marzo,
marzán,
pola mañá cariña de rosa
e pola tarde cara de can.
Marzo
marceiro, pon a troita no caneiro.
O que poda
en marzo, vendima no
regazo
O sol de marzo queima a
dama no pazo.
Sácame a marzo, xa verás como pazo.
Fala o cocho
San Benito
Cabaceiro é o san Benito verdadeiro.
S Benito
Cabaceiro=24 de marzo
Se o cuco
non canta entre marzo i abril,
ou morreu o
cuco ou fin do mundo vai vir.
Si en marzo canta a ra,
en maio xa calará.
Si marzo non marcea, abril cantalea.
Si marzo
requicha o rabo,
non queda ovella vella nin pastor azamarrado
Pascoa en marzo,
moita fame e moita mortaxe.
En marzo, nazco;
en abril,
estou no cubil;
en maio, xa saio; en san Xoán, xa fuxo do can;
por santa Mariña, xa como a galiña;
por agosto, xa son bo raposo
Dialoguismos
A vella
dícelle ó marzo:
Vaite marzo,
marzaco, cabeza de borraco,
de sete
becerros que tiña déixame catro.
Cálate,
cala, vellarota,
cos dentes
na cota,
con catro
que eu teño,
con catro
que me ha dar meu irmau abril,
heiche de meter todo no chaboril.
Ai, a nosa sabedoría popular!... moito teñen que ver co tempo, cos animais e coa agricultura.
Ningún comentario:
Publicar un comentario